Bös Fulen

Ein Super Bericht und tolle Fotos inkl. Routenbeschrieb. Gartuliere zum Bös Fulen.

Gruss Sputnik

Super Bericht - vorallem auch mit diesen Fotoverlinkungen. Sehr detailliert beschrieben - da hab ich das Gefühl, als wäre ich erst gestern auch dort gewesen :-). Gratuliere auch zum Gipfelerfolg - wirklich ein toller Berg.

Gruss Bombo

Hi Bombo.
Ha ersch ez gseh, bisch ja au am gliiche Tag ufum Bös Fulen obä gsi. Wo hemer üs verpasst????

salü

hey säg nüt, han ebe gmeint, ihr seged amene andere tag gsi, aber stimmt, es isch ja au dä 19.11.2008 gsi :-)

han jetzt grad mal probiert uf euene fotene z'luege, wenn ihr dobe gsi sind, well bi mine fotene isch ja d'ziit druf. finde aber bi eu kei hiiwiis, usser d'fuessspure uf dä foti. drum, weisch du na, wenn ihr d'obe gsi sind bzw. öb ihr spure im schnee gha händ? ich fröge deshalb, well vor eus sind 2 ohni seil (wie ihr, huet ab, ich bin also froh gsi um's seil...) eus bereits entgäge cho - das wäred au diä gsi, wo di erschti spur gleit händ.

irgendwie han i aber s'gfühl, dass vorallem du mir bekannt vor chunsch und zwar wär das denn aber zumene ziitpunkt gsi, wo mir uf em grat uf em heiweg gsi sind - sprich, ihr müessted eus denn entgäge gloffe si. aber ebe, da bin i jetzt au nöd sicher.

jetzt bin i aber gspannt uf d'uflösig vo dem rätsel, well du weisch d'lösig sicher :-)

gruess
bombo

Ciao Bombo.
Also miär sind am 19.Oktober diä erschtä ufum Bös Fulen gsi, miär sind um 11:15Uhr ufem Gipfel obä gsi, ich und min Huusmeischter sind diä zwee gsi wo keis Seil und so därbi gha hend. Im abstieg hend mir midere 2er Seilschaft nu churz gsprächlet, also äs isch det gsi bider erschtä Schlüsselstelle (im aufstieg). mhh ez weiss ich nüd öb die 2er Seilschaft iähr gsi sind??? Oder knapp daneben ist auch daneben

:-) denn sind doch ihr zwei das gsi. ich bin mit dä kollegin kleopatra unterwegs gsi, sie hät dä vorstieg gmacht. ich han mich denn immer gfröged, wie ihr das gmacht händ, dass ihr euni seil und vorallem ohni stiigise das gmeischteret händ... unglaublich... das muesch mer denn mal na under 4 auge verrate :-)

s'nöchscht mal weiss i, wer du bisch - und denn chrüüze mer also na rasch d'händ, gäll :-)

gruess und bis zum nächschte mal - kompliment für eui "solo" begehig!

Aha ja dä sindrs ja doch gsi, habs fast gedacht ;-), denn euer Seil isch mir bekannt vorcho, ha au äs ähnlichs wenn nüd grad z gliche Seil. wemer üs am nächstä mal träffed und äs Gebäude, weisch sörtägi wo ägschriebe sind, de gömer de eis gah ziäh. So ich warte scho ungeduldug bis ändtlich mal dä Schnee richtung chund, dä chammer wieder schön uf Skitouren. Also heb sorg und gueti Touren.

so, bin au wieder online, sorry mini verspötig. ja genau, das mache mer bim nächschte mal. das "seil" isch übrigens leider keis richtigs seil gsi sondern lediglich mis 8m-notseil, sprich e 8mm-reepschnuer, wo grad langed, um s'nötigschte abzsichere :-) i dem fall hät's aber ghulfe gha :-)

bimene innerschwiizer-skitüürli bin i denn gern mal debi :-)

gruess bombo

Hallo Hikrs!!

Ja gäll MaeNi ja zum glück isch Chiläpatron // Martinstag // (Schwyz, Seewen, Rickenbach, Ibach), ha ich grad dr Ziit gha da chli öpis z mache.

Hi Bombo und Sputnik!
Vielen dank für Euer Lob.

Gruäss

Hallo,
Wirklich ein super Routenbeschrieb und tolle Fotos!
Wenn Du den Wegpunkt "Bös Fulen" auch noch hinzufügen würdest, wäre ein späteres Wiederfinden des Berichts gewährleistet...
Liebe Grüsse, (Kraxel-)Dani.

Hi Dani.
Vielen Dank für Dein Lob :-)

Ja diä cheibä Wegpunkte, da hab ich wohl einer vergessen, mhh muss ich noch nachholen. Danke.
Gruäss