Piz Nuna da Laschadura

Piz Nuna es ün ter bun tipp per la glieud chi ha avuonda dalla Silvretta e da trida naiv. Mo be scha i's ha tschernà üna buna ruta. In inviern esa üna buna idea da muntar dalla Val Laschadura e schmuntar tras Val Nuna. Uschea i's po muntar cun sulai e forza eir avair sulai düront la skiada giò Giarsun e impustüt giodair la plü bella puolvra aint in Val Nuna.

Mincha schner esa üna perioda cun ün modest privel per lavinas (normalmaing fingà in december). Quai es il optimal temp per quella gita perquai chi's po dovrar ils mezs da trafic publics sainza perder massa bler temp la bunura.

La tura es eir optimal per snowboarders: Stipa muntada e lunga schmuntada sainza muntadinas.

L'ultima costa güst avant la sella es ter stipa. Nun invlidar ils "fiers per ir a samada".

Buns alpinists rivan sainza zappun e s-charpellas sül piz, ma snowboarders cun softboots e glieud chi nun es sainza sturnizi fessan meglder da tour quella roba cun sai.

Eu n'ha fat la gita insembel cun Lukas chi es gnü sü da turich cul prüm tren! Grazcha Vereina.