Hochtour Sustenhorn


Publiziert von oxmoxli , 5. Juni 2012 um 01:18.

Region: Welt » Schweiz » Uri
Tour Datum:29 Juli 2002
Wandern Schwierigkeit: T4 - Alpinwandern
Hochtouren Schwierigkeit: L
Wegpunkte:
Geo-Tags: CH-BE   CH-UR 
Zeitbedarf: 2 Tage 10:00
Aufstieg: 1700 m
Abstieg: 1600 m
Strecke:Göschenen-Göschenenalpsee-Chelenalphütte-Sustenhorn-Tierberglihütte-Steingletscher
Zufahrt zum Ausgangspunkt:Bahn bis Göschenen-Bus Göschenensee
Zufahrt zum Ankunftspunkt:Pw oder ÖV ab Steingletscher
Unterkunftmöglichkeiten:Chelenalphütte Tierberglihütte

 
 
Mini erschdi Hochtour (Sustenhorn, 3504 m.ü.M)
 
Tag 1
Mit em Poschdi si mir, nach dr individuellä Aareis, z Göschenä losgfahrä Richtig Göschenalpsee.
Vom Göscheneralpsee si mir durchs Chelanalptal Richtig Chelenalphüttä (2345 M.ü.M)  gwanderet. Znacht ässä, Ussicht gniessä und Kontenkunde und  den ab ins Bett.
 
Tag 2
Ablaufä am 0345 h !!
Aslo mit Stirnlampä und Chapä,Händschä bewaffnet simer den los Richtig das Sustähorn.  Nach öbä 2 h isch si mir denn an es grosse Schnellfäld cho und denn hets gheissä Stiegisä alegä und aseilä und überä Teil vom Sustägletsche wanderä. Mittlerwilä isch d Sunnä ganz ufgangä  und mä het gseh das dr Gipfel  in lichtä Dunsch igwicklet isch gsi wo sich aber denn verzogä het. Aslo jetzt oder nie !! Mir si dä Hoger duruf (sorry Bärg). Wo mir öbä uf 3300 m gsi si isch dr Näbel und dr Dunschd wieder cho und es het mit zuenehmender Höchi afo windä. Aber denn am 0730 h hei mir d Gipfel uf 3504 M.ü.M erreicht. Es het zwar zwüschdädurä Näbelschwandenä gha eso dass mir „Bärggeischder“ gseh händ (Lichtschimmer ummä Schättä im Näbel) aber wenns emol grad kei Näbel het gah denn hesch en Ussicht gha: UNGLAUBLICH. I ha sogar s Matterhorn gseh. Dr Ttitlis etc. Mir hei eus ins Gipfelbuech idreit und  ä Schluck Gipfeltee gnoh. (Guet es isch nur Tee gsi aber da sich doch öbis, oder ? :-) )
 
Nach öbä ärä halbä Stund ufem Gipfel hei mir eus wieder abwärts gmacht.
Wider bim Gletscher acho hei mir eus vo denä Stigisä chönä befreiä und sind nur mit dä normalä Wanderschue aber immer no agseitl überä Gletscher Richtig Tierbärglihüttä (2793 M.ü.M) gloffä.
Es söll an derä Stell gseit si, dass i wohl en vor vo Höhächranket gha han. Si mir doch rächt zügig dä Bärg duruf und in nachem Abstieg (in dr Tierbäglihüttä) isch es mir schlächt gsi und i ha Chopfweh gha.
Nachem ä Kaffi, öbis z ässä und ä langerä Pausä isch es mir den wieder besser gangä. Nochhär hei mir dr Absteig Richtig dr Ortschaft Steingletscher in Agriff  gnoh.
 
Also i bi mir vorcho wie es Gämsi. Über Stock und Stei und steil wie Gott weiss was.
  
Im Ort Steigletscher hei mir öbis drunkä und ufs Poschdi gwartet wo is denn wider uf Göschenä brocht het.
 
Es isch ä schöni Tour gsi. Asträngend (vorallem die Bergbestiegig), aber sehr schön.
 
An derä Stell äs rissä Merci im Wis’l und em SV GWK I für die super, professionell gfüerti Tour.

Leider zur Zeit keine Fotos oder Tourendatum.. Bin aber am abklären.

So i ha no s Datum gfundä und es paar Foteli vom Kolleg becho.

Tourengänger: oxmoxli


Galerie


Slideshow In einem neuen Fenster öffnen · Im gleichen Fenster öffnen

T4 WS I
26 Jul 08
Sustenhorn (3505 m) · Pasci
T4 WS-
WS
7 Sep 08
Sustenhorn · Cos
T4 WS I
19 Aug 06
Sustenhorn 3503m · MicheleK
T4+ L
23 Jun 12
Hochtour Sustenhorn · El Chasqui

Kommentare (3)


Kommentar hinzufügen

dominik hat gesagt:
Gesendet am 5. Juni 2012 um 13:25
Sali

Saag emol, kenntisch villicht no s Daatum vo deere Duur aaneschriibe, denn wurds no e glai weneli informativer fyyr dr interessiert Läaser. Falls Du my Dialäggd nit guet läase kasch no mach dr kai Soorg: S Schwitzerdytsche isch aischfach nit wirgglig zwem schryybe gmacht sondern eher fyyr s'Schnuure.

Liebi Griess
dominik

Aendu hat gesagt: T4?
Gesendet am 5. Juni 2012 um 14:43
Tschou

Ich finde es ein bisschen komisch das Sustenhorn als T4-Tour einzustufen. Das Sustenhorn gehört für mich in die Rubrik "Hochtouren". Auf den Normalrouten vermutlich im Bereich L - WS.

Gruss, Aendu

chamuotsch hat gesagt: Neuling
Gesendet am 6. Juni 2012 um 16:56
Hey Leute... keine Panik!!! Oxmoxli ist ein Neuling und kennt sich noch nicht so gut aus!!! Ein wenig Geduld bitte!!!!

Salüds, chamuotsch


Kommentar hinzufügen»