Rock al Galenstock

Daspö lönch d'eira il Galenstock fingià sün noss "elenco". L'on passà nu d'eira pussibel in basa a massa blera naiv e lura massa grond privel da lavinas. Quist on vaina lura decis da far quista gita in ün di e spontanamaing uschea chi's po reagir svelt süllas cunditiuns. Sainza chamonna e da Realp davent. Gövgià d'eira lura il di. A noss lavur vaina fat ün sonda our dal gövgia e ün gövgia our dal sonda e eschan partits a las trais da too-rich. Partenza da Realp allas tschinch. L'ora d'eira in uorden e no eschan stats bain aint in nos urari. No vain lura be pers temp sülla ruta normala sur il Tiefengletscher davent üna otezza da 3100 fin al skidepot: La naiv d'eira zofflada e vaiva üna cruosta uschea ch'eu n'ha trat oura ils skis e sun chaminà solidaricamaing perquai cha Rolf nu vaiva fiers per ir a samada. Id es cusiglà da tour la ruta plü cuorta passond il Strahlengrätli. Pel mumaint il privel da sfessas para ter bas. Davent dal skidepot fin sül piz ils cunditiuns d'eiran in uorden. Ingün glatsch e na massa blera naiv. No ans vain suà gio dal piz pachificamaing. Davo üna skiada fin al Tiefenbach - eu n'ha gnü fingià megldras cundiziuns. Quist on la naiv es simplamaing üna merda. Mo bain - la gita d'eira grondius listess!