Traversada da Gross Litzner e Gross Seehorn

Üna gita fich impressiunanta ed üna dallas plü bellas gitas dalla Silvretta (tenor mai).

Sco adüna Sputnik e Alpin_Rise han fingià scrit üna documentaziun fich nüzzaivla che cha güdeva pro la planisaziun. No vain eir planisà da biwakar sün Unghürbode, ma no stuvevan spostar quista gita ün per jadas. Uschea vaina decis schveltischem e spontaneamaing cur cha no vain vis cha la fin d'eivna sarà bell'ora. Max dalla Seetalhütte d'eira fingià schmuntà ma el ha lascià avuonda per as far üna bella tschaina e culaziun.

Sonda:

No eschan partits da Clostra culs velos aint in Val Sardasca. Ün davomezdi culs plü bels culurs d'utuon. La muntada cun velo va pacific, i's dovra halt üna müdada dallas marchas schi's nu vuol stumplar. Ma la via in se es perfect per ir cun velos eir nö uschea "moutain bike".

Davo üna cuorta muntada fin pro la Seetalhütte. No vain pensà cha no füssan ils unics ma - che surpraisa - la tschaina d'eira fingia pront, fat da duos xxx-ers (eu nu sa plü), chi nu savevan sco far fö'n pigna, la chamonna d'eira plain da füm e la pasta lomma sco gummi ;). Ma quai nu faiva nüglia, eir ils duos chatschaders nu vaivan ingün problem cun quai: No vaivan simplamaing gnü fom e lura i's mangia tuot. Culs chatschaders vaina baivü amo ün per magöls da vin...

Dumengia:

No eschan stats sü sco'ls prüms. Davo üna pezza eschna rivats sün Unghürbode e svelt aint la Scharte. Lura plü rassig sün Winterberg. I's po star sün la craista - üna senda nun esa. Pro'l Winterberg i's müda sülla vart ost dal spi chi maina dal Winterberg al Gross Litzner. Sco descrit da Sputnik e Alpin Rise is sto tuornar sün spi davo ün culuar, mo quai capita ter intuitiv. Nö schmuntar massa bler! P. 3060 es stip ma leiv, il punct plü ot i's sto traversar in sia flanca west.

Il pre-tuor (Vorturm) vaina rampigna sainza sua ma lura suà gio aint illa Litznerscharte. I füss eir pussibel da traversar suot il tuor tras sia flanca west. Eu sun riva quasi fin pro la Scharte ma sainza sua es quai halt schon ün pa criminal, ma cun sua in duos füss quai pacific.

Dalla Litznerscharte davent cumainza'l rampignar. La platta pricipala as poja passar a la schnestra (west) davo esa ter intuitiv e nöa ter greiv. I's sto be far attentiun cha la fricziun dalla sua nu vegn massa grond (lasciar oura ün per crötschs - sco Alpin Rise ha fingià descrit). No vain lura tut la ruta directa culla sortida davo'l IV. I's sto halt savair chi's sto zambriar ün stand, perquai cha'l stand offizial füss a dretta. Eu n'ha tut ün bel crap e duos Bandschlingas :). Lura leif sün piz. Che geil! Hehe.

Davo suar gio quatter o tschinch jadas, i's chatta blers stands. La muntada sül Gross Seehorn es ün grondischem plaschair. Üna craista da sömmi cun bunischem crap. Dal Gross Seehorn vaina tut l'Abseilpiste e cun ün bun system as riva ter bod pro'l glatscher. La traversa vi alla Seehornscharte nun es triviala. Is po traversar ün pa sur dal glatscher. I's po eir traversar tras ün chomp da naiv ma l'utuon es quai fingià ter inglatscha e i's fa bain da tour ün zappin cun sai per far s-chalins.

I's schmunta gio la Seehornscharte, passond l'Unghürboden e la Seetalhütte per rivar finalmaing a l'Alp Sardasca. No eschan stats sul cuntaints cha no vain tut ils velos cun no per tuornar a Clostra.

Material: Sezzin, 6 Express, 3 Schlingias, Chaplina, 50 meters sua, Abseilmaterial (Gerät, Schraubcarabiners, Reepschnürli) e zappin.